1 Kom, heilag Ande, til oss ned!
Lys inn i Hjartat med din Fred,
Du Guddoms Ljos og Stjerna!
Du Sannings Sol, som aldri sig,
Giv, at me Sannings Veg og Stig
Ved deg maa fylgja gjerna!
Leid meg
Den Veg!
Lys fyr Forom!
Riv med Rotom
Ut dei Tankar,
Som fraa Myrkheim til meg vankar!

2 Giv Kraft og Verknad av ditt Ord,
Som Gud oss sende ned paa Jord,
Lat det som Ljoset brenna!
At me Gud Fader og Guds Son
Og deg, vaar Lut og Livsens Von,
Kann rett i Sanning kjenna!
Giv du
Oss Tru,
Von og Gleda!
Lær oss beda:
Abba Fader,
Lova Kristus alle Stader!

3 Ver du oss paa vaar Vandring nær!
Den rette Veg og Leid oss lær,
Lat stOde Stig oss gjera!
Styrk oss i Laupet til vaart Maal!
Lær oss din Kross med Tru og Tol
I Kristi Kraft aa bera!
Giv Dug,
Heil Hug
I all Trengsla!
Lat all Stengsla
Undan falla,
Som oss burt fraa deg vil halda!

4 Du dyre Balsam, Livsens Saft!
Du vil oss giva Kjempekraft,
At me maa stauda sterke
Imot vaar arge Fiendsmann
Og med di Verja vinna kann
Og bera høgt ditt Merke!
Kom mild
Med Kvild,
Naar me lida,
At vaar Kvida
Mildt kann linnast,
Og der Lækjedom kann finanast!

5 Du milde Dogg, fall ned til Jord!
Og giv vaar Tru velsignad Gror!
Lat kristen Kjærleik bløma!
So alle Mann i same And
Maa standa trutt i Broderband,
Som det Guds Folk kann søma.
Men Strid
Og Nid,
Som oss lyter,
Og som bryter
Ned di Æra,
Lat din Eld det alt upptæra!

6 Lat oss i Tru og heilag SEd
Naa fram til Livsens Maal og Med!
Lat oss din Naade finna,
So me den Visdom læra maa,
At aldri fram me kunde naa,
Um Kjøtet her fekk vinna!
Vis meg
Din Veg!
Fram meg skunda!
Lær meg stunda
Til det Høge,
Der i deg eg finn mitt Nøge!