ماشي معاك أنا مش ندمان

1) ماشي معاك انا مِش ندمان
بالإنجيل انا مِش خجلان
مهما كانت قُوة خصمي
غالب، غالب بالإيمان

القرار
ماشي وراك بيك عزي برنم
وهاسبّح ليك مهما اتألم
قانع بيك يا سِرّ عزايا
وسط ظروفي هارضى واسلِّم

2) ماشي معاك أنا مِش مُهتمّ
مهما المدح يكون أو ذمّ
مجدك هدفي وغايتي رضاك
يا اللي بذلت لأجلي الدم

3) شلت صليبي وماشي وراك
خطوه بخطوه في رسم خُطاك
مهما تركت لأجلك راضي
سِبت الكل وسِرت معاك


Source: تسابيح المحبة: الاصدار الثالي #667

• MIDI file from تسابيح المحبة: الاصدار الثالي #667