العالم يبني ويزرع

1- العالم يبني ويزرع
وتَملّي مش شبعان
همه يلبس ويقلع
وعن يسوع غفلان

القرار
لكن انا مش من هنا
دا هنا عالم فاني
لا مال ولا جاه ولا غنى
أنا ليَّ وطن تاني

2- العالم يجري ويكدح
ورا سيد اسمه المال
وزرع الشر ما يفلح
وكل شيء زوال

3- شايل هم الأيام
محروم من السلام
وشكوى وكتر كلام
من الضيق والآلام

4- يبكوا عالحظ الخاين
مش جاي على هواهم
عايزين في الدنيا جناين
والعمر يستناهم


Source: تسابيح الرجاء #88