Text:جاي بذبيحة حمد
Tune:[جاي بذبيحة حمد]

669. جاي بذبيحة حمد

1) جاي بذبيحة حمد
باقدمها بقلبي الفرحان
جايب لحن في إيدي
وكلمة باقدمها بإيمان
جاي وباقدم بيك
من اللي في إيدك ليك
يا فادي الإنسان
يا فادي الإنسان

القرار
علمني أقدم ليك
تسبيح يرفعني إليك
وأكون كذبيحة حمد
أنا بين إيديك

2) يا اللي اديتني حياتك حب
أنا بهدي حياتي إليك
حبك ساكن جوه القلب
وقلبي ساكن في إيديك
قلبي يغني أكيد
طول ما الحب يزيد
ويزيد الإيمان
يا فادي الإنسان

3) اسمك أ حلى أسامي الدنيا
وأحلى أسامي الكون
مجد لاسم يسوعنا الغالي
وللجنب المطعون
شمس الأرض تغيب
والنور يبقى صليب
راية الحق تبان
يا فادي الإنسان

4) ملك المجد واسمك عالي
وفي إيدك السلطان
أمم الأرض وكل شعوبها
وكل ملوكها كمان
بكرة هتسجد ليك
تخضع تحت إيديك
يا صاحب السلطان
يا فادي الإنسان

Text Information
First Line: جاي بذبيحة حمد
Title: جاي بذبيحة حمد
Refrain First Line: علمني أقدم ليك
Language: Arabic
Publication Date: 2007
Tune Information
Name: [جاي بذبيحة حمد]



Media
MIDI file: MIDI - Melody

Suggestions or corrections? Contact us