Text:ياما سمعت عنك
Author:نيفين فكري

958. ياما سمعت عنك

1- ياما سمعت عنك من اللي حواليّ
وإديتك ضَهري وكإن الكلام مش ليّ
أو قرار يمكن بعدين أفكر فيه
وييجي بُكره ويفضل قلبي معاند ليه
وكإن العيشة معاك سراب شايفُه بعيد
وحاسسها قيد أنا رافضُه وعايز أعيش سعيد
فاكر حياتي معاك نهاية السعادة
أنا حر ومش هاعيش مسلوب الإرادة

2- شايف عينيك من بعيد بتناديني
وفي عز قسوة قلبي إنت مش ناسيني
عطشان وعندك إنت مية الحياة
ونورك يهدي قلبي اللي عنّك تاه
إيديك ممدودة بالمحبة والحنان
مستنياني أرجع لبيتي مِن زمان
خن حبك ليّ سايبلي الاختيار
بابك مفتوح وأنا ليّ القرار
إيديك ممدودة بالمحبة والحنان
مستنياني أرجع لبيتي مِن زمان
من النهارده اقبَلني أكون ابنك حقيقي
وإنت تكون لي أبويا وصديقي

Text Information
First Line: ياما سمعت عنك من اللي حوالي
Title: ياما سمعت عنك
Author: نيفين فكري
Language: Arabic
Publication Date: 2013
Tune Information
(No tune information)



Suggestions or corrections? Contact us