القرار-
يا باني الكل حِل تاني بالأفراح في بيتك
يا رب البيت طُل فينا ورجِّعنا تاني لبيتك

1- خلّي الإنسان يرجع تاني إنسان
والقلب كمان يِمتِلي بيك بالإيمان
والتايه منا يعود اليوم للأحضان
والكل يغني إكمِن القلب رجع فرحان

2- يا ضابط الكل يا بابا الجميع
في إيديك الكل لا يُفقَد ولا يضيع
تِسنِد وتبدل النواح ترنيمات
يترد لينا اللي راح بالتعزيات

3- دي عيون الكل بالدموع تترجاك
وإيدين الكل منتظرة لمسة يداك
المس بالروح الجميع يغتِني
تِغني بالروح المهدوم يتبني

4- إهدم وانقض ما بناه الشيطان
واهلك واقلع ما زرع من الزوان
وازرع فينا بر وشوق للصلاح
وابني فينا مسكن مقدس فيه ترتاح

5- أوانينا شكل يالفخاري العظيم
قوّم وعدّل المنحني يستقيم
نرى وجهك يستضيء الكيان
يٌرى مجدك في الإناء المصان

6- باهديك الكل روح ونفسي وجسدي
أفكاري وكل ما في قلبي يكون مرضي
وأفعالي وأقوالي وحتى صمتي
هذا قراري امتلكني بإرادتي