Text:جابلني وفديتني
Author:هاني منير

1017. جابلني وفديتني

1- جابلني وفديتني ولي مراحم
ولسه في ضعف إيماني باخاف
وقلبي يشكك في قدرة يمينك
وناسي ماضي وشيلة الكتاف
وأعمال عنايتك تأكد وتحكي
بإنك راعيني في وقت الكفاف
سامحني وساعدني وزود إيماني
فاسلّم يا ربي ولا يوم أخاف

2- ما أجمل إيماني في وسط المصاعب
تغير ثوابت وتصنع محال
وإيدك بروعة بتضمن نجاتي
وتفتح طريق ولا يخطر ببال
ده لو كنت فكرت أختار لنفسي
أكيد كنت تهت وضاعت الآمال
سامحني وساعدني وزود إيماني
فاشوفك ولا أرفع عيني لجبال

3- وصالحة إرادتك يا رب لحياتي
لو تفتح عيني أشوفها بصحيح
وأسلم وأرضى عشان إنت طيب
ودايمًا ترتب لي كل مريح
ولا يوم أشك في غلاوتي عليك
ده برهان غلاوتي الجنب الجريح
سامحني وساعدني وزود إيماني
أتمم إرادتك يسوع المسيح

Text Information
First Line: جابلني وفديتني ولي مراحم
Title: جابلني وفديتني
Author: هاني منير
Language: Arabic
Publication Date: 2013
Tune Information
(No tune information)



Suggestions or corrections? Contact us