1 സാന്നിദ്ധ്യം ആകേണം, കര്‍ത്താധി കര്‍ത്തനേ
ഈ യോഗം ഇന്നു കേള്‍ക്കേണം, നിന്‍ ശക്തി വാക്കിനെ

പല്ലവി:
ജീവന്‍ നല്‍കീടേണം, വന്ദിക്കും നേരമേ,
ആശീര്‍വാദം നല്‍കീടേണം, കാരുണ്യ വാരിധേ

2 സാന്നിദ്ധ്യം ആകേണം, നിന്‍ നാമം വാഴട്ടെ,
നിന്‍ സ്നേഹം ഓരോ നെഞ്ചകം, ജ്വലിച്ചു വീശട്ടെ— [പല്ലവി]

3 സാന്നിദ്ധ്യം ആകേണം, നിന്‍ വാക്യം കേള്‍ക്കയില്‍
നിന്‍ ആശീര്‍വ്വാദം നല്‍കേണം, ജീവ വിശ്വാസത്തില്‍— [പല്ലവി]

4 സാന്നിദ്ധ്യം ആകേണം, നിന്‍ ആത്മശക്തിയും,
മഹത്വം നിന്റേതാകേണം, ഞങ്ങള്‍ക്കു രക്ഷയും— [പല്ലവി]