14815. നീതിമാന്മാരിൻ കൂടാരങ്ങളിൽ

1 നീതിമാന്മാരിൻ കൂടാരങ്ങളിൽ
ജയ സംഗീതങ്ങൾ പാടിടുവിൻ
യേശുവിൽ വിശ്വസിച്ചാർത്തിടുവിൻ, ജയ സന്തോഷമേ!

പല്ലവി:
ജയ സന്തോഷമേ! ജയ സന്തോഷമേ!
യേശുവിൽ വിശ്വസിച്ചാശ്രയിച്ചാൽ ജയ സന്തോഷമേ!

2 വൈരിയിൻ പാശങ്ങൾ ഛേദിക്കുവാൻ
സ്വർഗ്ഗീയ തേജസ്സുപേക്ഷിച്ചു താൻ
മർത്യർക്കുദ്ധാരണം നല്കീടിനാൻ, ജയ സന്തോഷമേ [പല്ലവി]

3 നിത്യമാം നീതിക്കായ് മരിച്ചു താൻ
മൃത്യുവിൻ ഭീതി സംഹരിച്ചു താൻ
നിത്യ സമാധാനം വരുത്തി താൻ, ജയ സന്തോഷമേ [പല്ലവി]

4 ന്യായ പ്രമാണത്തിൻ ശാപങ്ങളും
ആയതാലുള്ള വിലാപങ്ങളും
പോയഹോ ക്രൂശിന്മേൽ മുഴുവനും, ജയ സന്തോഷമേ [പല്ലവി]

5 സൗജന്യ ദാനങ്ങൾ സമസ്തവും
മോചനം നീതിയും വിശുദ്ധിയും
ക്രൂശിലെ രക്തത്താൽ എല്ലാവനും, ജയ സന്തോഷമേ [പല്ലവി]

6 ഖണ്ഡിപ്പാൻ വേദവിരുദ്ധങ്ങളും
വന്ദിപ്പാൻ അത്മാവിൻ സത്യത്തിലും
സാദ്ധ്യമിപ്പോൾ ഏതു സധുവിനും, ജയ സന്തോഷമേ [പല്ലവി]

7 ഭീഷണി ആകെ പ്രയോഗിക്കിലും
ഏഷണി വ്യാജമായ് ചൊല്ലുകിലും
ക്ലേശ്ശം അശേഷമില്ലായതിലും, ജയ സന്തോഷമേ [പല്ലവി]

8 കൂരിരുൾ മാറി പ്രകാശത്തിന്നായ്
ദൂരസ്തർ നിത്യം സമീപസ്ഥരായ്
സ്വർഗ്ഗങ്ങൾ ഭക്തർ നിവാസങ്ങളിൽ, ജയ സന്തോഷമേ [പല്ലവി]

9 തേജസ്സിൽ വേഗത്തിൽ വന്നിടും താൻ
വ്യാജമാം പൂജകൾ നീക്കിടുവാൻ
രാജത്വം ആശ്രിതർക്കേകിടും താൻ, ജയ സന്തോഷമേ [പല്ലവി]

Text Information
First Line: നീതിമാന്മാരിൻ കൂടാരങ്ങളിൽ
Title: നീതിമാന്മാരിൻ കൂടാരങ്ങളിൽ
Author: Volbrecht Nagel
Refrain First Line: ജയ സന്തോഷമേ! ജയ സന്തോഷമേ!
Language: Malayalam
Copyright: Public Domain
Tune Information
Name: [നീതിമാന്മാരിൻ കൂടാരങ്ങളിൽ]
Composer: Emerson E. Hasty
Key: G Major or modal
Copyright: Public Domain



Media
MIDI file: MIDI
More media are available on the tune authority page.

Suggestions or corrections? Contact us