1 ക്രിസ്ത്യ സൈന്യമേ! വാ! പോരില്‍ നിരയായ്
മുന്‍പേ പോയ യേശു തന്നെ നോക്കീടിന്‍
ക്രിസ്തു രാജനിപ്പോള്‍ വൈരികള്‍ക്കെതിര്‍
മുമ്പോട്ടെത്തി പോരില്‍ കാണ്മിന്‍, തന്‍ കൊടി

പല്ലവി:
ക്രിസ്ത്യ സൈന്യമേ വാ പോരില്‍ നിരയായ്
മുന്‍പേ പോയ യേശു തന്നെ നോക്കീടിന്‍

2 സാത്താന്‍ സേന എല്ലാം പാഞ്ഞോടുന്നു കാണ്‍
മുന്നോട്ടോടി എത്തിന്‍ ക്രിസ്ത്യ സൈന്യമേ!
പാതാളം ഇളകി ജയ ഭേരിയാല്‍
ഘോഷിച്ചാനന്ദിപ്പിന്‍ പാടിന്‍ ഉച്ചത്തില്‍ [പല്ലവി]

3 വന്‍ സേനയെ പോലെ പോകുന്നീ സഭ
ശുദ്ധര്‍ പോയ മാര്‍ഗ്ഗേ നാമും പോകുന്നു
നാം ഏവരും ഏകം ഏക ശരീരം
സ്നേഹം, ആശ, ബന്ധം എന്നതില്‍ ഏകം [പല്ലവി]

4 *പിന്തുടരും ഞാനും ശുദ്ധര്‍ തന്‍ പാത
വിശ്വസിക്കും ഞാനും ശുദ്ധര്‍ വിശ്വാസം
നിലനില്‍ക്കുമേ-യതന്ത്യത്തോളവും
ലോകരാഷ്ട്രങ്ങളും നശിച്ചീടുമേ [പല്ലവി]

5 ലോക രാജ്യം എല്ലാം പോകും ഇല്ലാതായ്
ക്രിസ്തു സഭ എന്നും, എന്നും ഇരിക്കും
നരകത്തിന്‍ വാതില്‍ എതിരായ് വരാ
എന്നു ചൊന്ന വാക്ക് മാറ്റമില്ലാതാം [പല്ലവി]

6 ഹേ ജനമേ മുമ്പോ-ട്ടോടി വന്നീടിന്‍
ഈ കൂട്ടത്തോടൊന്നിച്ചാനന്ദിച്ചീടിന്‍
മഹത്വം സ്തുതിയും മാനം എന്നിവ
യേശു രാജനെന്നും ആയിരിക്കട്ടെ. [പല്ലവി]

*നാലാം ചരണം ഇംഗ്ലീഷില്‍ നിന്നും മലയാളത്തിലേക്ക് വിവര്‍ത്തനം ചെയ്തത് സൈമണ്‍ സഖറിയ, 2013.
എല്ലാ പകര്‍പ്പവകാശങ്ങളും പൊതുജനത്തിനു വിട്ടുകൊടുത്തിരിക്കുന്നു.