1 Veni, Creator Spiritus,
Mentes tuorum visita:
Imple superna gratia
Quae tu creasti pectora.

2 Qui diceris Paraclitus,
Altisimi donum Dei,
Fons vivus, ignis, caritas,
Et spiritalis unctio.

3 Tu septiformis munere,
Digitus paternae dexterae,
Tu rite promissum Patris,
Sermone ditans gutera.

4 Accende lumen sensibus,
Infunde amorem cordibus,
Infirma nostri corporis
Virtute firmans perpeti.

5 Hostem repellas longius,
Pacemque dones protinus:
Ductore sic te praevio,
Vitemus omne noxium.

6 Per te sciamus da Patrem,
Noscamus atque Filium
Teque utriusque Spiritum
Credamus omni tempore.